Karlmaður vopnaður exi gekk berserksgang á heimili fjölskyldu sinnar í Las Vegas í gær með þeim afleiðingum að ungur drengur lét lífið og tvær konur voru fluttar á sjúkrahús lífshættulega slasaðar.

Maðurinn var handtekinn af lögreglu á vettvangi. Maðurinn sjálfur var með einhverja áverka eftir atburðinn en þeir eru ekki taldir lífshættulegir. Lögreglan segir að fólkið tengist allt fjölskylduböndum.

Fleiri voru staddir í húsinu þegar harmleikurinn átti sér stað en þá sakaði ekki.