Lögreglan var kölluð að Alþingishúsinu um þrjúleytið í dag til að rýma áhorfendapalla þinghússins vegna óláta sem urðu þegar hópur mótmælenda kom saman og gerði hróp að forseta Alþingis við upphaf þingfundar.

Skrifstofustjóri Alþingis hefur sent frá sér tilkynningu þar sem því er vísað á bug að þingfundur sé lokaður líkt Margrét Tryggvadóttir, þingkona Hreyfingarinnar hafði fullyrt, heldur hafi áhorfendapöllum aðeins verið lokað.

Tilefni mótmælanna að minna þingmenn á óánægju margra með að níumenningarnir svokölluðu hafi verið handteknir og ákærðir í kjölfar búsáhaldabyltingarinnar.

Eftir að út á lóð þinghússins var komið kom til smávægilegra stimpinga milli mótmælenda og lögreglu.
Varðstjóri lögreglu segir að vel hafi gengið að rýma pallana mesti hamagangurinn genginn yfir.