Fjórir rússneskir ferðamenn eru heppnir að vera á lífi eftir að hákarl réðst á þá undan í Sharm-el-Sheihk í Egyptalandi í gær. Um var að ræða tvær árásir en talið er að sami hákarlinn hafi verið að verki í þeim báðum.

Hákarlinum tókst meðal annars að læsa kjaftinum í fótlegg einnar konu og þá tókst honum að rífa handleggi af tveimur öðrum. Sá fjórði slapp betur, að því er segir í frétt á vef Daily Mail.

Ferðamennirnir voru fluttir á sjúkrahús í Kaíró en ástand þeirra er sagt alvarlegt.