Rannsóknargögn vegna manndrápsins í Háabergi 23 í Hafnarfirði þann 15. ágúst síðastliðinn þar sem Hannesi Þór Helgasyni var ráðinn bani, hafa verið send ríkissaksóknara.

Í tilkynningu frá lögreglu kemur fram að rannsókn tejist að fullu lokið af hálfu lögreglu til undirbúnings fyrir ákæru og málsmeðferð fyrir dómi. Íslenskur karlmaður á þrítugsaldri, Gunnar Rúnar Sigurþórsson, hefur játað sök í málinu en hann hefur setið í gæsluvarðhaldi frá 27. ágúst.