Tveir nágrannaslagir fara fram í ensku úrvalsdeildinni í dag en þeim fyrri á milli Birmingham og Aston Villa lyktaði með markalausu jafntefli. Seinni nágrannaslagurinn, hin mikla Tynewear-barátta Newcastle og Sunderland, er einnig hafin.

Þar sem hvorugu liðinu tókst að skora á St. Andrews í Birmingham í dag verða liðin áfram í tólfta og þrettánda sæti deildarinnar, Villa sæti ofar. Leikurinn í dag var afar bragðdaufur þó seinni hálfleikurinn hafi verið ívið fjörugri.

Leikur Newcastle og Sunderland er nú þegar hafinn en síðasti leikur helgarinnar hefst svo klukkan 16:00 þar sem Bolton og Liverpool eigast við.