22 ára kona í Jacksonville Flórída hefur játað að hafa hrist 3 mánaða son sinn til dauða eftir að hann truflaði hana á meðan hún lék sér í Farmville á facebook.

Konan sem heitir Alexandra V. Tobias var handtekin í janúar eftir dauða sonar hennar og sagði við yfirheyrslur hafa orðið reið því strákurinn hafi grátið svo mikið að hann truflaði hana á meðan hún var að spila Farmville, sem er leikur á samskiptasíðunni facebook. Hún sagðist hafa tekið barnið upp og hrist það, reykt eina sígarettu til að jafna sig og hrist það síðan aftur.

Málið var tekið fyrir í rétti á miðvikudaginn og játaði Alexandra að hafa átt sök á dauða hans. Hún gæti átt á yfir höfði sér lífstíðardóm en málið heldur áfram.