Ásmundur Friðriksson, bæjarstjóri í Garði, kallaði Steingrím J. Sigfússon, fjármálaráðherra, kerlingu á opnum fundi um atvinnumál, sem fram fór í Stapa á fimmtudag.

„Ég hélt hann kæmi hingað og myndi segja eitthvað af viti við okkur, en hann er alveg eins og kelling hérna. Hann segir ekki aukatekið orð.“

Ásmundur sagði að þegar talið bærist að atvinnutækifærum á svæðinu virtist sem fjármálaráðherra færi á taugum og að hann hafi búist við ræðu frá Steingrími líkt þeim sem hann fór með í búsáhaldarbyltingunni en þær ræður hefðu verið innblásnar.

Sjá má myndband af ræðu Ásmundar hér fyrir neðan.