Sjónvarpsmaðurinn Egill Helgason hjólar í Hannes Hólmstein Gissuararson prófessor í stjórnmálafræði á bloggi sínu á Eyjunni í dag. Hann sakar Hannes um að ráðast undir dulnefni á samkennara sína við Háskóla Íslands sem og annað fólk.
„Hannes Hólmsteinn Gissurarson skrifar óhróður um samkennara sína og annað fólk undir tveimur dulnefnum: AMX fuglahvísl og Skafti Harðarson. Þetta er allt á sömu bókina lært, í hugarheimi prófessorsins eru allir leigupennar,“ skrifar Egill sem í færslunni sem þykir óvenju harkaleg.
Egill rifjar upp mál í þessu samhengi sem kom upp í Bretlandi fyrr á þessu ári. Sagnfræðingurinn Orlando Figes sem er höfundur bóka um sögu Rússlands réðst víst undir dulnefni á keppinauta sína sem eins og hann fjölluðu um sögu Rússlands. „Það endaði með að því að hann baðst afsökunar, borgaði skaðabætur og fór í meðferð.“
Í harðorðri færslu sinni heldur Egill áfram:
„Hannes hefur þegar fengið viðvörun frá Háskóla Íslands vegna ritstuldar. Hann var dæmdur fyrir ritstuld í Hæstarétti, háskólarektor hafði ekki kjark til að reka hann frá skólanum, sem auðvitað hefði átt að gerast. Það var í raun fáheyrt að hann skyldi halda stöðu sinni.“
„Það er oft kvartað um skort á reglufestu á Íslandi. Hvað um prófessor við Háskóla Íslands – og það er þrátt fyrir allt virðingarembætti – sem skrifar níð um samkennara sína og annað fólk undir dulnefni?“
„Háskólaprófessor sem er með svo ruglaðar skoðanir að hann þorir ekki að kvitta undir þær með eigin nafni – hvaða fyrirbæri er það eiginlega?“
Eurovison 2013
Blóðugt uppgjör í Seljahverfi
Harmleikur á Egilsstöðum
Alþingiskosningar 2013