51 árs gamall starfsmaður orkuvers í St. Louis í Bandaríkjunum skaut að minnsta kosti tvo samstarfsélaga sína til bana þegar hann mætti til starfa í morgun. Talið er að maðurinn hafi svipt sig lífi eftir ódæðið en það hefur ekki fengist staðfest. Að sögn sjónarvotta mætti maðurinn til vinnu klukkan hálf sjö í morgun að staðartíma með stóran riffil og skammbyssu.

Skotárásin hófst á bílaplani fyrir utan verksmiðjuna en að sögn lögreglu er ekki vitað hversu mörgum skotum var skotið. Fimm aðrir særðust í árásinni, misalvarlega að því er bandarískir fjölmiðlar greina frá. Fjölmargir starfsmenn fyrirtækisins hlupu upp á þak verksmiðjunnar og földu sig einnig inn í skápnum til að forðast kúlnahríðina.

Ekkert liggur fyrir um tildrög árásarinnar en árásarmanninum hafði ekki verið sagt upp störfum eftir því sem næst verður komist.