32 ára kona var í Héraðsdómi Suðurlands í gær dæmd í eins mánaðar skilorðsbundið fangelsi fyrir að hafa blekkt leigubílstjóra til að aka sér frá Biljardbarnum við Faxafen í Reykjavík að Austvegi á Selfossi án þess að greiða fyrir. Nam ökugjaldið 15.800 krónum.

Konan játaði brot sitt fyrir dómi og kvaðst hafa greitt hina veglegu leigubílaskuld. Konan hefur nokkrum sinnum verið dæmd fyrir ýmis konar brot undanfarin ár og var tekið tillit til nokkurra þeirra við uppkvaðningu dómsins.