Raungengi íslensku krónunnar á síðasta ári var það lang lægsta undanfarin 95 ár eða svo. Þetta kemur fram á vef Greiningar Íslandsbanka.

Þar kemur fram að á mælikvarða hlutfallslegs verðlags hafi raungengið verið tæplega 29 prósentum undir meðaltali áranna 1980 til 2008. Munurinn var þó enn meiri ef stuðst er við hlutfallslegan launakostnað, en á þann kvarða var raungengið nærri 37% undir meðaltali síðustu þriggja áratuga. Er það til marks um hrun í kaupmætti á alþjóðlegum mælikvarða sem orðið hefur hér á landi frá bankahruninu haustið 2008.