Steingrímur J. Sigfússon fjármálaráðherra fluga í dag til Óslóar til viðræðna við fjármála- og utanríkisráðherra Noregs og mun hann í framhaldinu funda með fjármálaráðherra Danmerkur í Kaupmannahöfn. Utanríkisráðuneytið hefur sent frá sér upplýsingar um hvað fjármálaráðherra, utanríkisráðherra og efnahags- og viðskiptaráðherra hafa gert í dag.

Hér er dagurinn í dag:

Fjármálaráðherra flaug í dag til Oslóar til viðræðna við fjármála- og utanríkisráðherra Noregs, og mun í framhaldinu funda með fjármálaráðherra Danmerkur í Kaupmannahöfn.

Á morgun mun fjármálaráðherra einnig ræða við norska og danska fjölmiðla.

Utanríkisráðherra ræddi í dag við David Miliband, utanríkisráðherra Bretlands.

Utanríkisráðherra ræddi í dag við Vygaudas Usackas, utanríkisráðherra Litháen.

Utanríkisráðherra ræddi í dag við Olli Rehn, framkvæmdastjóra stækkunarmála í framkvæmdastjórn ESB og tilnefndan framkvæmdastjóra gjaldmiðilsmála í framkvæmdastjórninni.

Utanríkisráðherra ræddi í dag við Reuters fréttastofuna og AP fréttastofuna.

Efnahags- og viðskiptaráðherra ræddi við eftirtalda fjölmiðla: NRK, TV2, Independent, Berlingske Tidende og Dagens Nyheter,

Efnahags- og viðskiptaráðherra tók þátt í símafundi íslensk-ameríska viðskiptaráðsins í New York þar sem nokkrir fjölmiðlar tóku þátt og fulltrúar erlendra fyrirtækja.

Ekki kemur fram í tilkynningu ráðuneytisins hvað kom út úr þeim viðræðum sem Össur Skarphéðinsson utanríkisráðherra átti við Olli Rehn, David Miliband og Vygaudas Usackas.