Robert og Vincent Tchenguiz, sem voru meðal stærstu viðskiptavina Kaupþings, gera rúmlega 400 milljarða kröfu í þrotabú bankans. Þetta kom fram í kvöldfréttum Stöðvar 2. Um er að ræða kröfur frá tveimur vogunarsjóðum í skattaskjólunum Guernsey og Tortóla.

Félag þeirra bræðra á Tortóla, Euro Investments Overseas, gerir skaðabótakröfu upp á 317 milljarða en félagið á Guernsey, Trust Limited, 127 milljarða kröfu. Bræðurnir fengu á sínum tíma hátt í 300 milljarða að láni hjá Kaupþingi.

Heimildir Stöðvar 2 herma að ólíklegt sé að skaðabótakröfurnar verði samþykktar enda séu þær tilhæfulausar.