Samkvæmt heimildum DV var eitt af því sem Steingrímur Wernersson, annar af eigendum Milestone, sagði í yfirheyrslunum hjá sérstökum saksóknara síðla árs í fyrra að hann hefði viljað láta reka Tryggva Þór Herbertsson, forstjóra Askar Capital, eftir að hann var búinn að vera forstjóri bankans í nokkra mánuði, það er á fyrri hluta árs 2007.

Benedikt Árnason, núverandi forstjóri Askar, mun hafa verið ráðinn undirmaður Tryggva um áramótin 2007-2008 til að hafa hemil á honum því forstjórinn hafði fljótlega misst tökin á vexti bankans og fjárfestingastefnu hans eftir því sem Steingrímur mun hafa sagt í skýrslutökunni hjá saksóknara.

Tryggvi hætti hins vegar ekki hjá Askar fyrr en sumarið 2008, eftir að hann hafði fengið tilboð um að gerast efnahagsráðgjafi ríkisstjórnarinnar.