Einar Örn Jónsson, fyrrverandi landsliðsmaður í handbolta og núverandi leikmaður Hauka, hefur verið ráðinn á íþróttadeild ríkissjónvarpsins. Einar hefur áður starfað á íþróttadeild Rúv en það gerði hann samhliða handboltanum á sínum tíma.

Einar er 34 ára gamall og á að baki farsælan handknattleiksferil, sem er þó ekki enn lokið. Hann er uppalinn hjá Val en hefur þess utan leikið með Haukum ásamt því að vera í atvinnumennsku í Þýskalandi og á Spáni. Hann er ríkjandi Íslandsmeistari með Haukum.

Þá á hann að baki 121 landsleik en hann var hluti af liðinu sem náði fjórða sætinu á Evrópumótinu árið 2002.

Einar hefur ekki látið blaðamennskuna alveg vera því í vetur birtist eftir hann viðtal í Stúdentablaðinu við Ólafur Þ. Harðarson, prófessor í stjórnmálafræði.