Þjófar reyndu að brjótast inn í íbúðarhúsnæði í Austurborginni í nótt en íbúar hússins vöknuðu við umgang þjófanna og hröktu þá á brott áður en þeir komust inn. Þetta kemur fram í tilkynningu frá lögreglunni.

Í Kópavogi var brotist inn í tvær bifreiðar og stolið staðsetningartækjum. Eigendur bifreiðar eru beðnir um að skilja ekki eftir lausamuni eftir í bifreiðum sínum en þjófar sækja í slík verðmæti. Að öðru leyti hefur verið tiltölulega rólegt hjá lögreglunni á höfuðborgarsvæðinu það sem af er degi.