Um 90 manns voru handteknir eftir að óeirðir brutust út í ensku borginni Birmingham í dag. Þar lenti saman samtökum sem kalla sig verjendur Englands (EDL) og öfgasamtökum múslima, sem kalla sig and-fasista.

Að því er fram kemur á vefsíðu breska blaðsins Times tóku yfir 200 manns þátt í óeirðunum. Allir þeir sem voru handteknir eru karlar á aldrinum 16 til 39 ára. Hóparnir köstuðu meðal annars flöskum og fleiru lauslega í átt að hvor öðrum og átti lögreglan í fullu fangi við að stilla til friðar. Enginn slasaðist þó alvarlega.