Á laugardagsmorgun var tilkynnt til lögreglunnar á Selfossi að skotið hefði verið með riffli á upplýsingatöflu sem er við Kolholtsveg í Flóahreppi. Lögreglan veit ekki hver var þar að verki og lýsir lögreglan eftir upplýsingum varðandi verknaðinn.

Í gær stöðvaði lögreglan á Selfossi akstur bifreiðar í hefðbundnu eftirliti. Í ljós kom að ökumaðurinn var þrettán ára. Faðir drengsins var með í bifreiðinni en hann hafði leyft drengnum að aka. Í ljós kom að tryggingar bifreiðarinnar voru ekki í lagi og var faðirinn kærður fyrir að fela drengnum akstur og mun fá sekt fyrir vanrækslu á vátryggingum.