„Þetta sýnir að Davíð Oddsson er kannski ennþá meiri stjórnmálamaður en blaðamaður,“ segir Óðinn Jónsson, fréttastjóri RÚV, aðspurður um viðbrögð sín við ásökunum Davíðs Oddssonar nýráðins ritstjóra Morgunblaðsins í Spjallinu í kvöld. Davíð sagði RÚV reka erindi Samfylkingarinnar.

Í viðtali við Sölva Tryggvason sagði hinn nýskipaði ritstjóri Morgunblaðsins að það dyldist engum sem horfði og hlustaði á fréttatíma RÚV að þar væru menn sem væru hallir undir Samfylkinguna og ræku erindi flokksins.

„ Þessi ummæli dæma sig sjálf,“ segir Óðinn Jónsson að vel hugsuðu máli.