Sigmundur Davíð Gunnlaugsson, formaður Framsóknarflokkins, lét í minni pokann í spurningakeppni Morgunvaktar Rásar 2 í gærmorgun. Andstæðingurinn var blaðmaðurinn Atli Steinn Guðmundsson. Sá háttur er hafður á að sá sem tapar þarf að skora á annan til að etja kappi við sigurvegarann.

Eftir langa umhugsun ákvað formaðurinn að skora á forseta lýðveldisins, Ólaf Ragnar Grímsson. Forsetinn tekur alla jafna ekki þátt í föstum liðum í fjölmiðlum en spennandi verður að sjá hvort hann standist þessa áskorun.