Starfsmannafundur er nú í gangi hjá Morgunblaðinu þar sem verið er að fara yfir nýjustu stöðu mála hjá fjölmiðlinum í ljósi þess að Ólafur Stephensen er hættur sem ritstjóri blaðsins.

Miklar getgátur eru um hver verði næsti ritstjóri blaðsins, óstaðfestar heimildir herma að Davíð Oddsson, Páll Magnússon og Ólafur Teitur Guðnason hafi verið orðaðir við ritstjórastólinn. Þessi orðrómur gengur meðal annars meðal starfsmanna Morgunblaðsins.