„Þetta er bara mín leið til þess að heiðra karlinn,“ segir Sigurður Valdimar Steinþórsson sem hyggst feta í fótspor mótmælanda Íslands Helga Hóseassonar. Sigurður hefur stofnað grúppu á Facebook með yfirskriftinni „Sigurður V í stað Helga Hóse“. „Ef nógu margir styðja mig í þessu þá ætla ég að standa á horni Langholtsvegar og Holtavegar þar sem hann var alltaf í þrjá daga.“

Sigurður segir að 2500 manns þurfi að skrá sig svo af uppátækinu verði en ef stuðningurinn verði nægilega mikill verði hann jafnvel lengur en í þrjá daga. „Busi, Dóri Davíð. Eins og hjá karlinum,“ segir Sigurður um hvað muni standa á mótmælaskiltinu sem hann muni bera.

Mikið hefur verið rætt um það hvort reisa eigi styttu af Helga á horninu fræga og hafa fjölmargir landsmenn sýnt því stuðning. „Mér finnst að það ætti klárlega að gera styttu af honum. Karlinn var bara svalur.“

Facebook-hópurinn