Bandaríkjamaðurinn Ashrita Furman er enginn venjulegur heimsmethafi. Hann á heimsmet í heimsmetum. Þessi 54 ára maður frá New York á 98 heimsmet samkvæmt heimsmetabók Guinness.

Það verður seint sagt að mörg af heimsmetum Furman séu eftirsóknarverð met. Meðal heimsmeta hans eru 27 þúsund stjörnuhopp, þá fór hann kollhnís rúma átján kílómetra vegalengd og hjó í sundur 27 epli í röð með samúræja-sverði.

Ólíklegt þykir að nokkur muni slá Furman við á næstunni því sá sem á næstflest heimsmet á „aðeins“ tuttugu heimsmet.