Þrír bílar lentu í hörðum árekstri í Ártúnsbrekkunni skömmu fyrir klukkan fimm í dag. Að sögn varðstjóra hjá lögreglunni eru töluverðar umferðartafir vegna slyssins en ekki er vitað hvort eða hversu mikil meiðsl eru á fólki.

Að sögn lögreglu er búið að loka fráreininni frá Reykjanesbrautinni inn á Vesturlandsveginn við Ártúnsbrekkuna. Tildrög slyssins eru ókunn.