Átta eru látnir eftir að eldur kom upp á öldrunarheimili í bænum Melle í norðurhluta Belgíu. Um 90 heimilismenn voru í húsinu þegar eldurinn kom upp í dag. Tveir slökkviliðsmenn voru fluttir til aðhlynningar vegna gruns um reykeitrun.

Grunur leikur á að eldurinn hafi kviknað út frá kæliviftu sem ofhitnaði. Melle er tíu þúsund manna bær skammt frá belgísku borginni Ghent.