Lögreglan á höfuðborgarsvæðinu hafði í nægu að snúast í nótt. Brotist var inn í fjögur hús í Reykjavík, þar á meðal í Birkigrund í Kópavogi. Eigendur hússins uppgötvuðu innbrotið er þeir komu heim úr ferðalagi í nótt. Íbúðin var sundurtætt og fartölva horfin. Þá var einnig brotist inn í Keilufelli í Reykjavík þar sem húsráðendur vöknuðu við læti um sex í morgun. Þegar betur var að gáð var búið að róta í ýmsu í íbúðinni og tveir bíllyklar teknir. Annar bíllinn fannst í Ártúnsholti stuttu seinna og var ökumaðurinn handtekinn. Hinn bíllinn fannst stuttu seinna.

Cintamani úlpu, áfengi, Canon myndavél og DVD-diskum var stolið úr kjallara í Efstasundi. Þá var einnig innbrot í kjallara á Laugavegi, en ekki er enn ljóst hvort einhverju var stolið.