Þrítugur ástralskur karlmaður hefur verið handtekinn eftir að lögreglan fann hann sofandi í stolnum bíl á þvottastöð. Lögreglan segir að hann hafi keyrt bílnum inn í sjálfvirka bílaþvottastöð á mánudagsmorgun, því næst hafi hann sofnað.

Umsjónamaður stöðvarinnar kallaði á lögregluna klukkan þrjú þegar hann uppgötvaði að bíllinn hafði ekki færst í klukkutíma. Í skýrslu lögreglunnar segir að bíllinn hafi haft tvær númeraplötur og honum hafi verið stolið í júlí.

Lögreglan vakti manninn sem svaf værum blundi í bílnum og handtók hann fyrir bílaþjófnað. Hann hefur verið settur laus gegn tryggingu og á að mæta fyrir rétt í september.