Trina Tompson ætlar að lögsækja menntaskólann sem hún útskrifaðist úr vegna þess að hún fær enga vinnu.Skólinn sem Trina útskrifaðist úr heitir Monroe og er í New York. Hún er 27 ára gömul og fer fram á 70 þúsund dollara, eða tæpar 9 milljónir króna, í miskabætur.

Tina segir það ómögulegt að finna almennilega vinnu síðan hún fékk gráðu í tæknifræði í apríl. Hún segir einnig að skólinn hafi ekki aðstoðað hana við að byggja um farsælan feril eins og hann lofaði er hún skráði sig í hann.

Talsmaður skólans, Gary Axelbank, segir að lögsókn Trinu sé gjörsamlega út úr kortinu. Skólinn hjálpi ekki nemendum að finna vinnu að námi loknu. Það sé í þeirra höndum.