Krafa gamla Landsbankans í þrotabú Mótormax hljóðar upp á tæpar 700 milljónir króna. Alls eru kröfurnar í þrotabúið upp á rúman milljarð króna. Mótormax var í eigu Magnúsar Kristinssonar, útgerðarmanns úr Vestmannaeyjum.

Haldin var stórútsala í Mótormax viku áður en verslunin fór í þrot. Hún var kölluð Miklihvellur. Skiptastjóri þrotabúsins segir of snemmt að segja til um hvort einhverjar stefnur komi úr þrotabúinu en að allt sé til skoðunar.

Mótormax var verslun í Reykjavík sem seldi alls kyns vélknúin tæki eins og mótorhjól, fjórhjól, hraðbáta og annað slíkt. Hún fór í þrot í maí.