Að minnsta kosti 21 beið bana og aðrir 27 særðust í sjálfsmorðssprengjuárás í Pakistan nærri landamærunum að Afganistan. Fórnarlömb árásarinnar voru starfsmenn öryggissveita sem samankomnir voru til að snæða kvöldverð eftir að hafa fastað allan daginn eins og venja er meðal múslima í Ramadan-mánuði.

Sprengjumaðurinn gekk inn í bragga öryggissveitarinnar í bænum Torkham og sprengdi sjálfan sig í loft upp og tók með sér tuttugu og eina manneskju.

Þeir sem lifðu árásina af segja sprengjumanninn hafa verið ungan, á bilinu 15 til 20 ára gamlan, en hann var að færa öryggissveitunum vatn. Sem hann og gerði en eftir að hafa sett vatnskrúsirnar á borðið sprengdi hann sig í loft upp.

Olíutrukkur Nato var sprengdur í loft upp í Torkham í gær en hann var á leið að færa hermönnum Nato olíu í Afganistan.