Sigmundur Ernir Rúnarsson, þingmaður Samfylkingarinnar, sté í ræðustól í upphafi þingfundar á Alþingi fyrir stundu og baðst afsökunar á veru sinni í pontu á þingfundi síðastliðið fimmtudagskvöld. „Vegna veru minnar í pontu hér á Alþingi síðastliðið fimmtudagskvöld er vert að biðjast afsökunar. Það er hér með góðfúslega gert.“

Sigmundur hefur viðurkennt að hafa neytt áfengis fyrr þetta umrædda kvöld. Hann hafði áður neitað því í viðtali við RÚV að hafa neytt áfengis.