Aðsúgur var gerður að Hannesi Hólmsteini Gissurarsyni á Austurvelli í dag. Hannes þurfti að flýja hópinn og leitaði skjóls í Alþingishúsinu en einhverjir úr hópnum köstuðu ýmsu smálegu í hann, þar á meðal bakpoka. Hannes var með Svartbók kommúnismans undir höndinni sem hann hefur nýlega þýtt.

Að því er fram kemur á vef RÚV virðist sem Hannes hafi ætlað að taka þátt í mótmælunum en hann varð frá að hverfa þegar fólk fór að kasta ýmsu lauslegu í hann. Talið er að um 300 manns hafi komið saman á Austurvelli en mótmælin fóru að mestu leyti friðsamlega fram.