Catalina Mikue Ncogo er ákærð fyrir brot gegn valdstjórn þegar hún beit löreglumann í bakið þegar hún var handtekin á dögunum. Þingfest var í Héraðsdóm Reykjaness í dag mál þar sem hún er sökuð um að hafa skipulagt innflutning á 400 grömmum af kókaíni til landsins í tveimur ferðum.

Frá þessu greinir vísir.is í dag.

Catalina neitar sök varðandi fíkniefnin en játar að hafa bitið lögreglumanninn.

Fram kemur í frétt vísis að ekki sé búið að ákæra Catalinu vegna vændissölu sem hún er sökuð um að gera í vændishúsi sínu á Hverfisgötunni en það var DV sem kom upp um þá starfsemi á sínum tíma.