Hvít Mecedes Benz bifreið fyrirsætunnar Jasmine Fiore sem lögreglan í Los Angeles hefur leitað í tengslum við rannsókn á hrottafengnu morði hennar er fundin. Talið er að Fiore hafi verið myrt af kærasta sínum Ryan Jenkins í bílnum áður en hann faldi lík hennar í ferðatösku og henti í ruslagám í Orange County þann 15. ágúst.

Lögreglunni í Los Angeles barst nafnlaus ábending um að bílinn væri að finna á bílastæði í Vestur-Hollywood og var hann fjarlægður af vettvangi með dráttarbíl.

Eins og DV.is hefur greint frá var morðið á Fiore fremur hrottafengið þar sem allir fingur og allar tennur hennar höfðu verið fjarlægðar til að erfiðara yrði fyrir lögreglu að bera kennsl á líkið. Lögreglan bar kennsl á hana með því að nota framleiðslunúmerið á silíkonígræðslum hennar.

Allt um málið má lesa hér að neðan með að smella á hlekkinn: Lík fyrirsætu í ferðatösku.