Áfengisneysla Sigmundar Ernis Rúnarssonar, þingmanns Samfylkingar, var ekki rætt sérstaklega á fundi forsætisnefndar í morgun. Ragnheiður Ríkharðsdóttir hafði fyrr í vikunni óskað eftir því að málið væri tekið upp á fundinum en svo var ekki gert.

Þetta kom fram í hádegisfréttum Ríkisútvarpsins.

Sigmundur baðst afsökunar við upphaf þingfundar í morgun en það gerði hann einnig í bloggfærslu í gær. Ragnheiður Ríkharðsdóttir, þingmaður Sjálfstæðisflokks sem einnig á sæti í forsætisnefnd, sagði á Morgunvakt Rásar 2 að þingmenn væru eins og óþekkir krakkar í skólastofu. Í sumar hafi keyrt um þverbak en forsætisnefnd ræddi meðal annars um aga þingmanna í þingsal í morgun. Mál Sigmundar var þó ekki rætt sérstaklega samkvæmt RÚV.