Sigmundur Ernir kveðst hafa fengið sér tvö vínglös í kvöldverðarboði MP Banka á fimmtudaginn áður en hann fór í pontu á Alþingi. Hann segir son sinn hafa skutlað sér úr Grafarholti niður á Austurvöll og kveðst vera í viðskiptum við MP Banka og því hafi hann sótt golfmót þeirra og þegið veitingar að því loknu.

Þetta kom fram í kvöldfréttum Stöðvar 2 í kvöld þar sem fréttastofa kvaðst hafa náð tali af Sigmundi í dag. Sigmundur neitaði þó að koma í viðtal vegna málsins. Þrátt fyrir ítrekaðar tilraunir í gær og dag hefur DV ekki náð tali af Sigmundi til að ræða málið sem greint var frá í DV í dag.