„Dettur Evu í hug að þessi grein auki traust á Íslandi erlendis ? Veit hún ekki að megnið af erlendu lánunum (eiginlega allt nema Icesave) er til að styrkja gjaldeyrisforðann og þar myndast eign á móti ? Held hún ætti að halda sig við ráðgjöf við sérstaka saksóknarann og láta aðra um efnahagsmálin.“

Þetta sagði Hrannar Björn Arnarson, aðstoðarmaður Jóhönnu Sigurðardóttur á Facebook-síðu sinni í gær. Hrannar skrifaði þessa athugasemd við frétt dv.is um grein Evu Joly, sem vakti mikla athygli í gær.

Eva sagði að Ísland komi ekki til með að geta staðið undir þeim kröfum sem Alþjóðagjaldeyrissjóðurinn, Bretar og Hollendingar gera á landið. Í greininni gagnrýnir Eva Hollendinga og Breta harðlega fyrir vægðarleysi gagnvart Íslandi og að gripið hafi verið til hneykslanlegra þvingunartilrauna.