Búið er að stofna hóp á Facebook gegn Kaupþingi en þar er fólk sem á í viðskiptum við bankann, hvatt til að hætta þeim. Eins og DV greindi frá í morgun tók Grímur Atlason, sveitastjóri Dalabyggðar, út allt sitt fé í gærkvöldi. Hann er ekki í þessum hópi en nokkrir þjóðþekktir Íslendingar eru þó í hópnum.

Þar má nefna sjónvarpskonuna Valgerði Matthíasdóttur, eða Völu Matt eins og hún er gjarnan kölluð, Þrym Sveinsson, sem er einn vinsælasti bloggari landsins, Inga Björn Albertsson, fyrrverandi þingmann, verðbréfasalann Guðmund Franklín Jónsson og Jónínu Benediktsdóttur svo dæmi séu tekin.

Hópurinn var stofnaður fljótlega eftir að Kaupþing fékk lögbannið í gegn hjá Sýslumanninum í Reykjavík. Þegar þetta er skrifað eru 183 meðlimir í hópnum sem fer ört stækkandi.