Meistaraflokkur Grindavíkur í knattspyrnu sér ekki fram á það að geta stillt upp liði um helgina en staðfest hefur verið að tveir leikmenn liðsins séu með svínaflensuna og átta aðrir liggja fárveikir fyrir með inflúensueinkenni.

Þorsteinn Gunnarsson, formaður Grindavíkur, sagði í kvöldfréttum Stöðvar 2 að hann hefði sent KSÍ bréf þar sem óskað er eftir því að leik liðsins á sunnudaginn kemur verði frestað. Þorsteinn sagði ekki forsvaranlegt að spila leikinn og þá væri ekki fyrirséð að liðið væri í standi til að leika um miðja næstu viku heldur.