Mótmælendur fjölmenna nú á Austurvöll til að taka þátt í samstöðufundi InDefence-samtakanna þar sem IceSave-samningnum er harðlega mótmælt. Nokkur hundruð manns eru saman komin en mótmælin hófust klukkan 17.

Meðal þeirra sem hvatt hafa almenning til að mæta á Austurvöll og láta í sér heyra er þingmaður Framsóknarflokksins, Eygló Harðardóttir.

Viðstaddir berja á búsáhöld og bera skilti og borða með hinum ýmsu slagorðum.

Þegar leið á mótmælin fjölgaði mikið í hópi mótmælenda og var Austurvöllur þétt staðinn.