Fyrsta úthlutun Fjölskylduhjálparinnar eftir sumarfrí hófst nú klukkan þrjú. Fyrr í dag komu forsvarsmenn Kornax ehf. með stóra sendingu til Fjölskylduhjálparinnar í Eskihlið og færðu henni hálft tonn af Kornax-hveiti.

„Það verður tekið ákaflega vel í þetta af skjólstæðingum okkar. Þeir geta þá tekið sig til og bakað. Þetta er ákaflega fallega hugsað,“ segir Ásgerður Jóna Flosadóttir, forstöðumaður Fjölskylduhjálparinnar. Hún tekur fram að Kornax hafi átt frumkvæði að því að styrkja Fjölskylduhjálpina og að þetta sé í þriðja skipti sem þeir færa henni hveiti.