Alþingi kaus í gær sjö manna Þingvallanefnd úr röðum þingmanna. Nefndarmanna bíður ærið verkefni og þurfa þeir að ákveða hvað skuli gera við svæðið þar sem Hótel Valhöll eitt sinn stóð.

Mæðir á nefndarmönnum hvort eigi að byggja nýtt hótel og þannig endurvekja Valhallarstemninguna, byggja eitthvað allt annað eða einfaldlega tyrfa yfir svæðið. Þorgerður Katrín Gunnarsdóttir er meðal nefndarmanna í þessari virðulegu nefnd sem hefur verið kölluð fínasta nefnd landsins.

Þrátt fyrir það fagnaði Þorgerður kosningunni ekki á svo mjög virðulegan hátt heldur lét sér nægja að gæða sér á Subway í hádeginu á bensínstöð Esso á Ártúnshöfða.