Háskólaneminn Roisin Madigan hefur nælt í eitt besta starf í heimi hjá lúxusrúmaframleiðandanum Simon Horn í Bretlandi. Hún fær þúsund pund, eða rúmlega tvö hundruð þúsund íslenskar krónur, fyrir að sofa í lúxusrúmum á hverjum degi í mánuð.

Hún eyðir átta tímum á dag í rúmunum í sýningarsal framleiðandans og bloggar um reynslu sína. Suma daga þarf hún jafnvel að stilla sér upp í glugga verslunar Simon Horns. Starfið er liður í svefnkönnun sem framleiðandinn gerir til að geta veitt sölumönnum og viðskiptavinum betri upplýsingar um rúmin.

Starfið var auglýst og bárust fjögur hundruð umsóknir fyrsta daginn og tvö hundruð daginn eftir.