Eitt þekktasta par landsins, Vala Grand og Baldvin Vigfússon, hafa nú verið saman í eitt ár. Baldvin fagnar þessum áfanga á Facebook-síðu sinni en hann hefur verið ófeiminn við að tala opinskátt um samband sitt við Völu.

„Tíminn líður hratt. Eitt ár með skvísunni henni Völu. Elska þig,“ segir Baldvin hugljúfur. Sagt var frá því í Fréttablaðinu fyrir nokkru að Kastljóssdrottningin Ragnhildur Steinunn væri að vinna að gerð heimildarmyndar um Völu en hún undirbýr sig nú undir kynskiptaaðgerð.