Borgarahreyfingin hefur ákveðið að blása til opins félagsfundar annað kvöld klukkan átta í Hafnarhúsinu. Fram kemur á heimasíðu flokksins að um sé að ræða þemafund „þar sem þingmaður og sérstakir gestir fara yfir stöðuna á Icesavemálinu, fyrirvarana, hvað það þýðir að hafna ríkisábyrgðinni og fleira sem viðkemur því erfiða máli.“

Fyrr í dag var sagt frá því á dv.is að Katrín Snæhólm Baldursdóttir hefur sagt af sér sem varamaður í stjórn stjórn Borgarahreyfingarinnar. Þetta var tilkynnt í gærkvöldi eftir stjórnarfund hreyfingarinnar en enginn þingmanna Borgarahreyfingarinnar mætti á stjórnarfundinn í gærkvöldi.