Slökkviliðsmenn í Zurich í Sviss fengu heldur óvenjulegt útkall á dögunum. Það var frá eldri konu sem sagði slökkviliðinu að kviknað væri í sjónvarpinu hjá sér. Þegar slökkvilið kom á staðinn var enginn eldur sjáanlegur og enginn reykur heldur.

Þegar slökkviliðsmenn fóru að sjónvarpinu kom í ljós að konan var með stillt á þýska sjónvarpsstöð sem sendir út mynd af arni með eldi. Slökkviliðsmenn beittu því nýstárlegri aðferð við að slökkva eldinn – með fjarstýringunni.