Arðgreiðslurnar til sautján af starfsmönnum Kaupþings vegna hlutabréfaeignar þeirra í Kaupþingi á árunum námu rúmlega 1,2 milljörðum króna, samkvæmt útreikningum DV. Blaðið birtir í dag upplýsingar upp úr lánabók Kaupþings frá sumrinu 2006 og eru útreikningarnar byggðir á því.

Starfsmennirnir fjármögnuðu hlutabréfakaupin með lánum frá Kaupþingi og voru persónulegar ábyrgðir þeirra fyrir lánunum fellldar niður í lok september á síðasta ári.

Efstir á blaði yfir hæstu arðgreiðslurnar eru Sigurður Einarsson og Hreiðar Már Sigurðsson. Samkvæmt mati DV fékk Sigurður 134 milljónir á árunum 2007 og 2008 vegna hlutabréfaeignar sinnar í Kaupþingi og Hreiðar Már fékk 185 milljónir.

Þeir starfsmenn sem fengu lægstu arðgreiðslurnar voru samt með tæplega milljón krónur á mánuði á árunum tveimur bara vegna arðgreiðslnanna. Starfsmennirnir fengu því greiddan arð af hlutabréfaeign sem þeir hafa í einhverjum tilfellum aldrei þurft að greiða fyrir.