Ásgeir Þór Davíðsson, betur þekktur sem Geiri á Goldfinger, er mjög virkur Facebook-notandi og skemmtir sér við að taka hin ýmsu persónuleikapróf. Hann tók nýlega prófið „Hvaða raðmorðingi ertu?“ og fékk niðurstöðuna Ted Bundy, en hann er einn alræmdasti raðmorðingi Bandaríkjanna.

Þetta leist Geira ekki á þrátt fyrir að í lýsingu á Ted Bundy, og þar af leiðandi Geira, standi að honum líki kvenfólk og láti ekkert stöðva sig. Geiri bjóst nefnilega bara alls ekki við því að vera líkt við raðmorðingja þó hann hafi tekið prófið því eins og hann segir á síðunni sinni þá hélt hann kannski að það yrði svarmöguleiki sem myndi tjá Geira að hann væri alls enginn raðmorðingi.