Friðrik Sophusson hefur ákveðið að láta af störfum sem forstjóri Landsvirkjunar í haust en hann hefur gegnt starfinu í rúm 10 ár eða frá byrjun árs 1999. Þetta kom fram í hádegisfréttum RÚV.

Í samtali við fréttastofu RÚV sagði Friðrik að hann hefði ráðgert að hætta í lok árs í fyrra en stjórn Landsvirkjunar hefði beðið hann um að halda áfram vegna breyttra aðstæðna. Friðrik sagði þá að hann myndi ekki starfa lengur en í eitt ár. Samkvæmt frétt RÚV verður auglýst eftir nýjum forstjóra á sunnudaginn.