Lofthræddir ættu að láta það vera að heimsækja nýjustu viðbót Sears turnsins í Chicago; útsýnisplötu úr gleri á einni af hæstu hæðum turnsins. Eins og sjá má á meðfylgjandi mynd er útsýnið svakalegt en turninn stendur í 442 metra hæð og er tæplega sex sinnum hærri en Hallgrímskirkja.

Áhugasamir geta farið út á glerplötuna og horft yfir alla borgina en platan er aðeins rétt rúmur sentímeter að þykkt. Það var arkitektinn Ross Wilmer sem hannaði pallinn og segir hann að þeir sem leggjast niður á honum líði eins og þeir séu að fljúga.

Áhuginn hefur ekki látið á sér standa en 25 þúsund manns hafa gengið út á plötuna að jafnaði á hverjum einasta degi síðan hún var tekin í notkun.